“Egnatia” mund “Vllazninë” dhe merr kreun

“Egnatia” fiton në Shkodër përball “Vllaznisë” dhe merr e vetme kryesimin e Superligës së futbollit, pas javë së gjashtë të saj. Rrogozhinasit fituan me rezultatin 2-0, me dy gola të shënuar në pjesën e dytë pas një 45-minutëshi të parë pa gola. Zigjelbërit për këtë triumf ju falën golave të Vusai Isgändärli në minutën e 54′ dhe Raphael Dwamena në minutën e 91′. Kjo fitore i ngjit rrogozhinasit në kuotën e 13 pikëve, 3 më shumë se “Tirana” ndjekëse. “Vllaznia” pas kësaj humbje mbetet në kuotën e 8 pikëve. Java e 6-të e superligës vijon në 20:15 në “Niko Dovana”, me sfidën “Teuta”-“Kukësi”. Kjo javë mbyllet të enjten ora 15:00 me sfidën “Laçi”-“Dinamo City”. Ndeshja e parashikuar për këtë javë derbi “Partizani”-“Tirana” është shtyrë për t’u luajtur në tetor. Klasifikimi momentalisht kryesohet nga “Egnatia” me 13 pikë, ndiqet nga “Tirana” me 10 pikë. Ndjek “”Skënderbeu” me 9 pikë. Më pas janë me nga 8 pikë “Vllaznia”, “Erzeni” dhe “Partizani”. Në vend të 7 me 7 pikë “Laçi”. Në vend të 8 “Teuta me 4 pikë dhe në dy vendet e fundit me nga 3 pikë “Kukësi” dhe “Dinamo City”.