Galeria Kombëtare e Arteve, 55 vepra ekspozohen në Pogradec

Ekspozita paraqet 55 punime të piktorëve të juglindjes të shkëputura nga fondi i Galerisë Kombëtare të Artit Tiranë. Gjithçka është organizuar nga GKA me mbështetjen e Ministrisë së Kulturës, Bashkisë Pogradec dhe Qendrës Multifunksionale SHA Pogradec. Ekspozita do të qëndrojë e hapur deri në datën 15 tetor dhe mund të vizitohet çdo ditë nga ora 10:00 – 18:00. Ekspozita lëvizëse është një projekt i Galerisë Kombëtare të Artit, me kuratore Suzana Varvarica Kuka.