Gjermania ndalon grupin neonazist ”Hammerskins”

Ministrja e Brendshme gjermane, Nancy Faeser ka ndaluar grupin e ekstremit të djathtë ”Hammerskins Germany”, një veprim i përgatitur prej më shumë se një viti duke përfshirë edhe ndihmën e autoriteteve amerikane. Një organizatë e lidhur me grupin e quajtur ”Crew 38” dhe degët rajonale të ”Hammerskin” janë gjithashtu të prekur nga ndalimi. Oficerët bastisën apartamentet e 28 anëtarëve të dyshuar në 10 shtete gjermane, përfshirë Berlinin dhe Bavarinë, në orët e para të mëngjesit. ”Grupimi kundërshton rendin kushtetues dhe idenë e një marrëveshjeje ndërkombëtare. Qëllimi dhe aktivitetet e shoqatës ishin në kundërshtim me ligjin penal”, deklaroi Ministria e Brendshme. Koncertet e organizuara nga grupi janë përdorur për të përhapur ideologjinë e tyre ekstremiste të krahut të djathtë, madje edhe midis joanëtarëve.