Polonia ndalon hyrjen e automjeteve ruse

Polonia nuk do të lejojë më makina të regjistruara në Rusi të hyjnë në territorin e saj, tha ministri i Brendshëm, Mariusz Kaminski. Polonia është vendi i fundit i BE-së që ndan një kufi me Rusinë për të ndaluar automjetet nga fqinji i saj më i madh, pasi tre republikat baltike dhe Finlanda vendosën ndalime të ngjashme. “Ndalimi hyn në fuqi në mesnatë dhe do të zbatohet për të gjitha makinat pa përjashtim, pavarësisht nëse ato përdoren për arsye biznesi apo personale”, tha Kaminski. “Shtetësia e shoferit, pronarëve apo pasagjerëve në makinë gjithashtu nuk bën dallim”, tha ai. “Rregulli është: një makinë e regjistruar në Rusi nuk ka të drejtë të hyjë në Poloni”, tha ministri. Ekklava ruse e Kaliningradit kufizohet me Poloninë. Për këtë masë, Kaminski tha se ky ishte një element tjetër i sanksioneve kundër Rusisë dhe banorëve të vendit që po zhvillon një luftë brutale ndaj Ukrainës. “Shteti rus përbën një kërcënim për sigurinë ndërkombëtare”, tha ai.