ARGJENTINË – Inflacioni rritet 124,4% në terma vjetore

Pak më shumë se një muaj përpara zgjedhjeve presidenciale në Argjentinë, zyra e statistikave të vendit, Indec tha të mërkurën se një normë tashmë e lartë inflacioni u rrit më tej. “Në gusht, norma e inflacionit u rrit në 12,4% krahasuar me muajin e kaluar dhe në 124,4% nga gushti 2022”, tha Indec. Norma e inflacionit në ekonominë e dytë më të madhe të Amerikës së Jugut është një nga më të lartat në botë. Pas suksesit befasues të populistit Javier Milei në zgjedhjet primare presidenciale, Banka Qendrore zhvlerësoi fuqishëm monedhën kombëtare, peson, një muaj më parë. Milei do të kandidojë në zgjedhjet presidenciale të 22 tetorit kundër ministrit të Ekonomisë, Sergio Massa nga kampi i majtë i qeverisë peroniste dhe ish-ministres së Brendshme, Patricia Bullrich nga opozita konservatore. Presidenti aktual, Alberto FernAndez nuk do të kërkojë rizgjedhjen.