Autoriteti Kombëtar i Ushqimit (AKU) me një program të posaçëm pune po monitoron në mënyrë të dedikuar subjektet tregtuese të produkteve të mbrojtjes së bimëve (pesticide, fungicide, etj.) dhe veprimtarinë në sektorin e duhan-cigareve. AKU njofton se, gjatë javës 1-7 shtator të këtij viti, ka kryer 83 inspektime në subjektet e inputeve bujqësore dhe atyre që operojnë në sektorin e duhan-cigareve, nga këto 81 kontrolle kanë qenë mbi bazë risku dhe 2 inspektime nëpërmjet denoncimeve. Për shkeljet e konstatura AKU, ka vendosur dy masa administrative gjobë në vlerën e 70 mijë lekëve. Autoriteti Kombëtar i Ushqimit monitoron tregun e përdorimit të inputeve bujqësore, sipas praktikave më të mira europiane, në drejtim të kontrollit që garantojnë standarde të larta të sigurisë ushqimore në vend, për prodhimet që tregtohen në tregun vendas dhe për ato që shkojnë në eksporte.
- Advertisment -