BSH: Kredia për investime u rrit me 3.8%

Banka e Shqipërisë bën të ditur se, kredia për investime u rrit me bazë vjetore 3.8% në tremujorin e dytë të këtij viti. Sipas BSH-së, në total, financimi i bankave për sektorin privat u rrit mesatarisht me 8.1% gjatë tremujorit të dytë. Zhvillimet sipas monedhave tregojnë zhvillime në kahe të kundërta të kreditimit në lekë dhe asaj në valutë. Kështu, norma e rritjes së portofolit të kredisë në monedhën vendase u përshpejtua në 7.1% në muajin qershor, ose 3 pikë përqindje më shumë nga niveli më i ulët që shënoi në muajin shkurt.