‘X’ së shpejti me mundësi për thirrje audio dhe video pa numër telefoni

Mundësia e thirrjeve audio dhe video së shpejti do të jetë e disponueshme në platformën sociale “X”, të njohur më parë si Twitter, njoftoi sot shefi ekzekutiv Elon Musk. “Thirrjet video dhe audio po vijnë në ‘X’. Funksionon në iOS, Android, Mac dhe PC. Nuk nevojitet numër telefoni”, shkroi Musk në llogarinë e tij. “‘X’ është libri efektiv global i adresave. Ky grup faktorësh është unik”, shtoi ai. Megjithatë, Musk nuk dha informacion se kur do të jenë të disponueshme veçoritë e reja. Andrea Conway, projektuese në “X”, ndau pamjet e ekranit të veçorive në korrik, në të cilat opsionet e thirrjeve audio dhe video shfaqen në këndin e sipërm djathtas të ekraneve të përdoruesve. Pasi bleu Twitterin për 44 miliardë dollarë tetorin e kaluar, Musk njoftoi në maj se së shpejti do të ketë biseda audio dhe video të disponueshme për këdo, në mënyrë që përdoruesit të mund të bisedojnë me secilin pa zbuluar numrat e tyre të telefonit.