Infeksionet e traktit tretës të shkaktuara nga bakteret e “Shigelës“ dhe “Salmonelës“ kanë bërë që shumë fëmijë të kërkojnë ndihmën e mjekëve pediatër të spitalit infektiv në QSUT. Shefja e kësaj klinike Gjeorgjina Kuli dhe se infeksionet e shkatuara nga këto baktere shumë ngjitëse, kërkojnë ndjekje rigoroze për shkak të rishfaqjes që mund bëjnë pas një përmirësimi të shkurtër. Ky sezon veror shtoi shumë problemet e infeksionve në traktin tretës tek fëmijët e vegjël. Infeksionet bakteriale të grupit të “Shigelës” dhe “Salmonelës”, shënuan shtrime të fëmijëve në spitalin pediatrik të QSUT për shkak të natyrës së komplikuar të simptomave që shfaqen. Sipas shefes se klinikës së pdiatrisë infektive, shkaqet burojnë nga insektet dhe tempraturat e larta. “Ka çdo ditë raste në QSUT me infeksione të traktit tretës dhe të shkaktuara nga bakteret e “Shigelës” dhe “Salmonelës”. Ato janë infeksione të cilat mund të përhapen nga insektet që kontaminojnë ushqimet ose nga ekspozimi i tepruar i ushqimeve në temperatura të larta. Është infeksion shumë ngjitës dhe manifestohen me diarre të zgjatur, të vjella dhe temperaturë. Këto infeksione zakonisht shaktojnë panik tek prindërit për shkak të përmbajtjes se gjakut në diarre, por nuk është për t‘u shqetësuar“ tha Shefja e kësaj klinike Gjeorgjina Kuli për RTSH. Shigela është një infeksion shumë ngjitës ndaj kërkon edhe vëmëndjen e mjekëve. “Sepse nëse nuk mjekohet mund të bëhet kronike e të rishfaqet” shtoi Dr. Kuli Ky lloj infeksioni luftohet me antibiotik, por evidencat tregojnë se është dhe shumë rezistent ndaj tyre infeksionet diarreike përhapen shumë shpejt nga njeriu tek njeriu për shkak të cënimit të kushteve të higjienës ndaj mjekët bëjnë apel për pastërti maksimale. RTSH
- Advertisment -