Një zjarr jashtë kontrollit në ishullin Kanarie spanjolle në Tenerife ka djegur mijëra hektarë tokë dhe rreth 8,000 njerëz janë evakuuar. Presidenti rajonal Fernando Clavijo tha se 250 zjarrfikës dhe anëtarë të ushtrisë spanjolle po luftojnë flakët në destinacionin kryesor turistik. Clavijo tha se zjarri, i cili ndodhi në temperatura jashtëzakonisht të nxehta, kishte një perimetër gati 30 kilometra. Por ja çfarë po ndodh tjetër në lidhje me motin ekstrem dhe klimën tani Në Kanada, banorët e kryeqytetit të Territoreve Veriperëndimore filluan të largoheshin nga një zjarr që po afrohej të enjten në kolona të gjata ndërsa evakuimet ajrore ishin duke u zhvilluar. Ky ishte kapitulli i fundit në sezonin më të keq të zjarreve në Kanada. Zjarri ishte brenda 16 kilometrave nga skaji verior i Yellowknife. Edhe pse parashikohej pak shi për rajonin.
Në Hauai, guvernatori u zotua të bllokojë marrjen e tokës nga ndërtuesit që po kërkojnë të shfrytëzojnë fatkeqësinë e banorëve që u dogjën nga zjarret që shkatërruan qytetin historik Maui të Lahaina, raportojnë gazetarët. Me përmbytjet, uraganet, shpërthimet vullkanike dhe zjarret e egra, Hauai është gjithnjë e më i ekspozuar nga fatkeqësitë, veçanërisht zjarret. Ndërsa banorët nga i pari tek i fundit po merren me shumë me çështje të shëndetit mendor. “Qëllimi im nga fillimi në fund është të sigurohem që askush të mos jetë viktimë e një rrëmbimi toke.”- tha Guvernatori i Hauait, Josh Green pas zjarreve vdekjeprurëse dhe shkatërruese në Maui. “Njerëzit janë të traumatizuar tani. Ju lutemi mos iu afroni atyre me një ofertë për të blerë tokën e tyre.”- shtoi ai. Në Kaliforninë Veriore, zjarret e shkaktuara nga era pranë kufirit Kaliforni- Oregon detyruan evakuuime, pasi erërat e forta të shkaktuara nga një stuhi, shkaktuan një zjarr të madh. Në rajonin e Baja California, Uragani Hilary që u formua të enjten në brigjet e Paqësorit të Meksikës mund të sjellë një shi të dendur në jugperëndim të SHBA deri në fundjavë. RTSH
