Trupat ukrainase rimarrin territorin pranë qytetit të kontrolluar nga Rusia

Trupat ukrainase po bëjnë përparim në rimarrjen e territorit pranë qytetit të kontrolluar nga Rusia të Bakhmutit në Ukrainën lindore, thanë zyrtarët. “Javën e kaluar u çliruan gjithsej 3 kilometra katrorë”, tha sot zëvendësministrja e Mbrojtjes, Hanna Maliar në një deklaratë. “Në total, trupat ukrainase rreth Bakhmutit kanë rimarrë 40 kilometra katrorë që nga fillimi i kundërsulmimit të tyre më shumë se 10 javë më parë”, sipas ministrit. Përveç kësaj, pati luftime shumë intensive në rajonet Kharkivit dhe Luhanskut dhe afër Kupyanskut dhe Lymanit. Maliar tha se njësitë ukrainase janë vendosur në fshatin Uroshayne në pjesën jugore të rajonit Donetskut. Ajo foli gjithashtu për luftime të ashpra në jug të fshatit fqinj Staromajorske, i cili u çlirua pak më shumë se dy javë më parë. Zëvendësministrja e Mbrojtjes, Maliar konfirmoi gjithashtu se njësitë ukrainase kishin avancuar në bregun e pushtuar nga Rusia të lumit Dnipro në rajonin e Khersonit. ATSH