Piramida e Keopsit, e njohur gjithashtu si Piramida e Madhe e Gizës, është më e vjetra dhe më e madhja nga tre piramidat kryesore të nekropolit të Gizës. Është më e vjetra nga shtatë mrekullitë e botës antike dhe e vetmja që ka mbijetuar deri në ditët e sotme. U deshën 15 deri në 30 vjet për të ndërtuar piramidën dhe egjiptologët besojnë se ajo u ndërtua për të vendosur faraonin Keops. Skllevërit që ndërtuan këto ndërtesa te mëdha përdorën të paktën 2,300,000 blloqe, secili me peshë mesatare rreth 2,5 ton.
Fillimisht, sipërfaqja e piramidës ishte e lëmuar- Fillimisht, piramida ishte e mbuluar plotësisht nga një mbulesë gëlqerore e bardhë me një sipërfaqe të jashtme krejtësisht të lëmuar. Megjithatë, për shkak të një tërmeti në shekullin e 14-të, kjo mbulesë u shkatërrua dhe më vonë u përdor për ndërtimin e ndërtesave në Kajro. Vetëm disa gurë të mbulesës janë ende të dukshëm rreth bazës. Dikur piramidat ishin më të larta- Për shkak të shkatërrimit të mbulesës së tyre të jashtme gëlqerore dhe erozionit mijëra vjeçar, piramidat sot janë dukshëm më të ulëta se lartësitë e tyre origjinale. Piramida e Madhe e Keopsit, e cila ishte rreth 147 metra në kohën e ndërtimit, tani është vetëm 138 metra e lartë. Piramida e Chephren dikur ishte 143 metra e lartë, por tani është 136 metra. Më e vogla nga piramidat, Piramida e Mycerinus ishte 66 metra e lartë dhe tani është 61 metra.
Piramidat dhe yjësitë- Njohuritë arkitekturore dhe astronomike të egjiptianëve ende sot i lënë shkencëtarët pa fjalë. Në fakt, tre piramidat e Gizës (Keopsi, Chephren dhe Mycerinus) janë të rreshtuara në mënyrë të ngjashme me tre yjet në brezin e yjësisë Orion, e cila është qartë e vëzhgueshme me instrumente moderne. Pavarësisht se është i lashtë, Piramidat e Gizës nuk janë më të vjetrat- Dihet se sa të lashta janë piramidat e Gizës, megjithatë ato nuk ishin të parat që u ndërtuan. Egjiptologët mendojnë se piramida e shkallëve të Dsojer në Saqqara, e cila supozohet se daton rreth vitit 2630 para Krishtit, është piramida më e vjetër ekzistuese deri më sot. Piramida e Madhe e Gizës u ndërtua rreth vitit 2560 para Krishtit, 70 vjet pas piramidës së Dsojer. RTSH
