Sulm ukrainas me dron, mbyllet për pak kohë aeroporti Vnukovo

Rusia ka fajësuar Ukrainën për një sulm me dron në Moskë që dëmtoi dy ndërtesa dhe mbylli për pak kohë një nga aeroportet e qytetit, shkruan BBC. Një dron u rrëzua mbi rajonin Odintsovo në perëndim të qendrës së qytetit dhe dy të tjerë u neutralizuan por u përplasën në zyra, tha Ministria Ruse e Mbrojtjes. Një person ka mbetur i plagosur, raporton agjencia shtetërore ruse e lajmeve Tass. Kryetari i bashkisë Sergei Sobyanin tha se fasadat e dy ndërtesave të zyrave ishin dëmtuar lehtë. Fotot nga vendi i ngjarjes tregojnë se disa xhama janë dëmtuar në cep të ndërtesave, me mbeturina të shpërndara në tokë poshtë. atsh