ATHINE – Zjarret në pyje përfshijnë ,një depo municioni të ushtrisë

Të shtyrë nga thatësira javësh dhe erëra të forta, zjarre të shumta kanë shpërthyer në Greqinë qendrore, duke përfshirë një në një depo municionesh të Forcave Ajrore Greke që shkaktoi shpërthime të mëdha dhe i shtyu pushuesit të kërkonin siguri në plazh. Sipas televizionit shtetëror ERT, shpërthimet nga zjarri i depos janë dëgjuar disa kilometra larg. Njerëzit arritën të evakuojnë me kohë depon e municioneve, thanë burime qeveritare. ”Disa dritare në rajonin e afërt Nea Anchialos u thyen nga valët tronditëse nga shpërthimet”, tha një reporter i radios shtetërore. Zjarrfikësit deri më tani nuk kanë mundur të ndërhyjnë për shkak të rrezikut për shpërthime të mëtejshme. Shërbimet e emergjencës nuk kanë mundur as të hedhin ujë nga helikopterët, për të mos rrezikuar pilotët. atsh