Vatikani dënon për herë të parë nje kardinal!

Kardinali Giovanni Angelo Becciu përballet me disa vite burg për përfshirjen e tij në marrëveshjen e humbur të pasurive të paluajtshme të Vatikanit në Londër. Prokurori i Vatikanit Alessandro Diddi kërkoi shtatë vjet e tre muaj burgim, duke akuzuar Becciu për shpërdorim detyre dhe përvetësim fondesh në lidhje me investimet e pasurive të paluajtshme luksoze. Situata e paprecedentë shënon herën e parë që një kardinal akuzohet përpara një gjykate të Vatikanit. Në qendër të procesit është blerja nga Vatikani e pronës në lagjen londineze të Chelsea, kur Becciu mbante një pozicion të spikatur në Sekretariatin e Shtetit midis 2011 dhe 2018, duke e bërë atë zyrtarin e dytë të autoritetit të fuqishëm. Marrëveshja shkoi keq pasi Vatikani investoi më shumë para sesa pritej, duke rezultuar në një humbje prej më shumë se 100 milionë euro (110 milionë dollarë). Ndërtesa që atëherë është shitur. atsh