Kamp veror për teknologjinë e inovacionin,Stanford University

U çel në Korçë, Kampi Veror i Akademisë së Inovacionit Korça “ICT Academy & Code for Albania”. Kryetari i bashkisë Korçë, Sotiraq Filo, tha se, ky kamp veror ka mentorë të talentuar dhe rrjetin e liderve të teknologjisë. “Ky kamp është pa dyshim një mundësi e shkëlqyer dhe një eksperiencë fantastike për të rinjtë që do të jenë programues të ardhshëm”, është shprehur Filo. I konsideruar si akademia më e madhe e inovacionit për fëmijë, ky kamp i ngritur nga ICT Albania, Code for Albania dhe Bashkia Korçë, do të mbahet për gjatë dy javëve me leksione në fushën e teknologjisë. Kriteri për t’u pranuar ishte që fëmijët të ishin në klasën e 9-të ose ta kishin përfunduar atë. 100 fëmijët pjesëmarrës nga vendi dhe rajoni, kanë fituar bursë të plotë dhe do të kenë instruktorë nga Stanford University, deri më 28 korrik. Kombinimi i pasionit për teknologjinë dhe inovaconin, me trajnimin nga ekspertë ndërkombëtarë, e bën këtë eksperiencë të shkëlqyer për pjesëmarrësit e këtij organizimi. atsh