Pikat, qendra të eksporteve në tregjet e huaja

Në Dimal, ndodhet serra dhe pika e grumbullimit të fruta-perimeve “Natural shpk”, të cilët përmes mbështetjes nga programi IPARD II kanë arritur të shndërrohen në një nga eksportuesit kryesorë të produkteve shqiptare. Ministrja e Bujqësisë dhe Zhvillimit Rural, Frida Krifca, tha se, shembulli e kompanisë “Natural shpk” është ndërtuar me një frymë emancipuese: Të prodhojë vetë e ato prodhime t’ia ofrojë tregut duke ndjekur procesin nga mbjellja në paketim e në shitje. Kompania, përmes një stafi të specializuar, realizon gjithë ciklin e prodhimit, nisur nga kultivimi i fruta-perimeve, grumbullimi, ruajtja e tyre në dhoma frigoriferike për garantimin e cilësisë, sistemin e seleksionimit dhe paketimit dhe eksportin e tyre me destinacion kryesor Italinë. “Natural shpk” ka rritur sasisë e produkteve edhe në sajë të kontratave të lidhura me fermerët e zonës duke siguruar shitjen e produkteve të tyre, eliminuar humbjet dhe respektuar standardet evropiane. Pika e grumbullimit ndodhet në një zonë bujqësore, që njihet për produktivitetin e lartë të prodhimit dhe u vjen në ndihmë fermerëve të zonës për shitjen e sigurt të prodhimeve të Kjo kompani është një ndër eksportuesit kryesorë të perimeve të freskëta shqiptare në tregjet e huaja. atsh