Knesseti, parlamenti izraelit, miratoi një projektligj mbi reformat e diskutueshme gjyqësore, pavarësisht protestave masive kundër planeve dhe një tjetër ditë me manifestime pritet në rrugët e vendit. Në Knesset, 64 nga 120 ligjvënës votuan në favor të një amendamenti të ligjit që do të kufizonte aftësinë e Gjykatës së Lartë për të vepruar, pas orëve debati që zgjatën deri mëngjesin e sotëm. Media izraelite tha se 56 votuan kundër. Duhen edhe dy seanca të tjera përpara se amendamenti të hyjë në fuqi, gjë që mund të ndodhë deri në fund të muajit. Organizatorët e protestave disamujore në vend kanë shpallur ditën e sotme si një “ditë rezistence”, në kundërpërgjigje të miratimit të projektligjit. Demonstratat kundër propozimeve të qeverisë ishin planifikuar në kryqëzime dhe në disa rrugë kryesore në të gjithë Izraelin. Gjatë ditës së sotme, protestat do të zhvillohen në një numër vendesh, përfshirë aeroportin ndërkombëtar ”Ben Gurion”, pranë Tel Avivit. atsh
- Advertisment -