Rezervat valutore arrijnë nivele rekord mes luftës ruse

Pavarësisht mbrojtjes nga pushtimi i plotë i Rusisë, për më shumë se 16 muaj, Ukraina ka regjistruar nivelet më të larta te rezervave në valutën e huaj që kur vendi fitoi pavarësinë në 1991. “Banka Qendrore e Ukrainës ka në dispozicion ekuivalentin e 35 miliardë eurove (39 miliardë dollarë), njoftuan autoritetet bankare. Rekordi i mëparshëm u regjistrua në maj 2011. Vetëm në qershor, rezervat u rritën sërish me 4,5%. Ukraina mori rreth 3.9 miliardë euro nga Bashkimi Evropian, Shtetet e Bashkuara të Amerikës dhe Finlanda, si dhe institucionet ndërkombëtare si Fondi Monetar Ndërkombëtar (FMN) dhe Banka Botërore. Prandaj, partnerët ndërkombëtarë kanë transferuar shuma më të mëdha sesa i duhen Ukrainës, për shërbimin e borxhit dhe për të mbështetur ‘hryvnia’, monedhën e saj kombëtare. Rezervat valutore korente janë të mjaftueshme për të financuar importet e vendit për më shumë se pesë muaj. Sipas të dhënave zyrtare, vendi ka marrë ndihma financiare, ushtarake dhe humanitare nga Perëndimi me vlerë mbi 170 miliardë euro. atsh