Matura shtetërore: Kopjen e testit tuaj mund ta merrni në e-Albania

Maturantët e interesuar për të marrë një kopje të testit të tyre të maturës shtetërore mund të aplikojnë në linkun : https://e-albania.al/eAlbaniaServices/UseService.aspx… Evis Kushi, Ministër i Arsimit dhe Sportit, njoftoi sot përmes rrjeteve sociale se aplikimet do të jenë të hapura brenda ditës së nesërme, 28 qershor 2023, nga ora 8:00 deri në orën 16:00, në linkun: https://e-albania.al/eAlbaniaServices/UseService.aspx…. “Tashmë që rezultatet e 4 provimeve të Maturës Shtetërore janë shpallur, të gjithë maturantët që janë të interesuar për të parë kopjen e testit të tyre mund ta marrin këtë shërbim në platformën e-Albania”,- shkruan Kushi. “Kryeni aplikimin online brenda ditës së nesërme, 28 qershor 2023, nga ora 8:00 deri në orën 16:00, në linkun: https://e-albania.al/eAlbaniaServices/UseService.aspx…. Në zbatim të rregullores së re të Maturës Shtetërore, nëse maturantët konstatojnë gabime në korrigjim, ata mund të drejtohen në shkollën e tyre për të ndjekur procedurat për rivlerësimin e testit në datën 3 korrik 2023. Suksese të gjithëve!”,- përfundon ministrja e Arsimit dhe Sportit, Evis Kushi.. atsh