”Rheinmetall” furnizon Ukrainën me automjete të blinduara

Kontraktori gjerman i mbrojtjes, ”Rheinmetall” do të dorëzojë 20 automjete të tjera luftarake të këmbësorisë “Marder” në Ukrainë këtë verë, njoftoi kompania. Ukraina do të ketë marrë gjithsej 60 automjete “Marder”, 40 nga ”Rheinmetall” dhe 20 nga stoqet e ushtrisë gjermane, ndërsa Kievi lufton për të zmbrapsur pushtimin rus në shkallë të plotë, që filloi më 24 shkurt të vitit të kaluar. ”Rheinmetall”” po ofron 60 njësi të tjera dhe prodhimi i tyre ka filluar në dy nga fabrikat e saj në Gjermani. “Marder” është i pajisur me forca të blinduara të pjerrëta për mbrojtje të përmirësuar të ekuipazhit dhe mban një top 20 milimetrash të montuar nga jashtë dhe një mitraloz 7,62 mm mbi një frëngji me dy persona. Veçmas nga porositë e Ukrainës, Greqia do të marrë gjithashtu 40 automjete te blinduara “Marder” nga ”Rheinmetall” këtë verë. Kjo është pjesë e të ashtuquajturës skemë rrethore shkëmbimi, në të cilën vendet e NATO-s transferojnë në Ukrainë, pajisje ushtarake të prodhimit sovjetik në inventarët e tyre për t’u zëvendësuar me pajisje më moderne nga Gjermania. atsh