Hunter Biden pranon fajin për evazion fiskal

Djali i presidentit amerikan Biden, Hunter, ka arritur një marrëveshje paraprake me prokurorët federalë për t’u deklaruar fajtor për dy akuza për evasion fiscal duke pranuar faktet e një akuze për armë në kushte që do ta mbanin atë jashtë burgut, shkruan Washington Post. Çdo marrëveshje e propozuar për pranimin e fajësisë duhet të miratohet nga një gjykatës federal. Të dy prokurorët dhe avokati mbrojtës kanë kërkuar një seancë gjyqësore në të cilën Hunter Biden, 53 vjeç, mund të bëjë deklaratën e tij. Marrëveshja mbyll një hetim të hapur në vitin 2018 gjatë administratës Trump dhe që nga viti 2020 ka gjeneruar interes dhe kritika të forta nga politikanët republikanë të cilët kanë akuzuar administratën Biden për hezitim për të ndjekur çështjen. Dokumentet e gjykatës tregojnë se Hunter Biden ka rënë dakord paraprakisht të deklarohet fajtor për dy krime tatimore për mospagesë në 2017 dhe 2018. Detyrimi tatimor është rreth 1.2 milionë dollarë në ato vite. Prokurorët planifikojnë të rekomandojnë një dënim me kusht për këto akuza. “I pandehuri ka pranuar të pranojë fajësinë për të dyja akuzat e tatimit”, theksuan prokurorët. ‘’Informacioni i dytë i krimit ka të bëjë me akuzën për armë zjarri. I pandehuri ka rënë dakord të lidhë një marrëveshje paraprake në lidhje me informacionin e armës së zjarrit’’, theksuan porkurorët. “Hunter do të marrë përgjegjësinë për dy raste të mosdorëzimit të pagesave tatimore. Një akuzë për armë zjarri, e cila do të jetë objekt i një marrëveshjeje paraprake të devijimit dhe nuk do të jetë objekt i marrëveshjes për pranimin e fajësisë. Ai mezi pret të vazhdojë rikuperimin dhe të ecë përpara”, theksoi një nga avokatët e tij, Chris Clark, në një deklaratë. atsh