NATO manovra sigurie dhe kohezioni ushtarak

Manovrat kryesore të forcave ajrore të NATO-s do të vazhdojnë edhe këtë javë, ku do të përfshihen avionë luftarakë që do të fluturojnë mbi krahun lindor të aleancës. “Të martën, të mërkurën dhe të enjten, gjashtë avionë luftarakë tokësorë të tipit A-10 do të fluturojnë në Lituani”, sipas burimeve. Në fillim të javës, katër avionë F-16, dy F-15 dhe dy “Eurofighter” si dhe një avion cisternë do të fluturojnë mbi Poloni. Partnerët lindorë të NATO-s kane kërkuar të zhvillohen manovra sigurie dhe kohezioni ushtarak. “Air Defender 2023”, ku përfshihen 10 000 ushtarë dhe 250 avionë nga 25 vende, janë manovrat ushtarake më të mëdha ajrore në historinë e NATO-s. Ato do të vazhdojnë deri më 23 qershor. Manovrat synojnë të trajnojnë përgjigjen e NATO-s ndaj një sulmi të mundhshëm nga një aleancë fiktive lindore dhe, si të rimarrë territoret tashmë të pushtuara nga armiku. atsh