Protestë në Tiranë për lirimin e tre policëve

Me këngë tradicionale shqiptare, e me thirrjet ‘Mitrovica është Shqipëri’, një grup qytetarësh në Tiranë u mblodhën sot në Bulevardin “Dëshmorët e Kombit” në mbështetje të Kosovës, pas rrëmbimit të tre policëve në veri të Kosovës. Me flamujt e Shqipërisë, Kosovës, SHBA dhe Bashkimit Europian ata organizuan një protestë të qetë. Thrrjet e tyre ishin “të lirohen vëllezërit tanë”. “Kërkojmë që shqiptarët të jenë mirë kudo ku jetojnë, si në Kosovë, Maqedoni. Situata në veri na ka prekur, shqiptarët atje nuk janë mirë. Duam që shteti të mbajë një qëndrim në mbështetje të shqiptarëve të Kosovës. E ndjej si shqiptar që jam, që shqiptarët të jenë mirë kudo që jetojnë. Duhet të qëndrojnë ët bashkuar, edhe në Mitrovicë të luftojnë informalitetin që është atje” tha një prej protestuesve. “Të ngremë zërin për të mbrojtur vëllezërit tanë”, tha një tjetër.