Papa Françesku doli sot nga spitali i Romës pas një operacioni në bark. I ulur në një karrige me rrota, ai përshëndeti me kokë kalimtarët gjatë korridorëve të poliklinikës Gemelli, ku e kishin operuar për të parandaluar pengimin e zorrëve. Ai foli shkurtimisht për gazetarët para hyrjes së spitalit. “Jam ende gjallë”, tha ai duke buzëqeshur, përpara se të kthehej në Vatikan. Mjekët e tij thanë se operacioni shkoi mirë dhe ai e toleroi mirë anestezinë e përgjithshme. Përpara operacionit të së enjtes së kaluar, shumë katolikë ishin të shqetësuar për operacionin e fundit, urgjent, gjithashtu nga frika për aftësinë e Papës për të toleruar anestezinë. Ai iu nënshtrua një procedure të njohur si laparotomi në terminologjinë mjekësore. Ishte hera e tretë që Papa shtrohej në spital në Romë, pasi iu nënshtrua një operacioni në zorrë në verën e vitit 2021, më pas u shtrua në spital për pneumoni në fillim të këtij viti. atsh
- Advertisment -