Protestuesit sulmojnë bankat, ndërsa kriza ekonomike thellohet

Dhjetra protestues libanezë sulmuan bankat kryesore në kryeqytetin e vendit mes zemërimit për krizën e thelluar ekonomike dhe vështirësitë e jetesës në vend. ”Protestuesit dëmtuan fasadat e të paktën katër bankave në zonën Sin El Fil të Bejrutit dhe u vunë flakën gomave para tyre”, theksuan dëshmitarët. Demonstruesit patën edhe një përleshje të shkurtër me trupat e ushtrisë libaneze, të cilët mbërritën në vendngjarje për të kontrolluar situatën dhe për të shuar zjarret. Sipas një dëshmitari, protestuesit thyen xhamat e Audi Bank, një prej bankave më të mëdha në vend. Ata gjithashtu thyen ATM-të dhe dritaret në Byblos Bank aty pranë dhe dy degë të Bankës së Bejrutit në të njëjtën zonë. atsh