Një funeral shtetëror për ish-kryeministrin italian Silvio Berlusconi do të mbahet sot pasdite në Katedralen e Milanos. Berlusconi vdiq të hënën në moshën 86-vjeçare. Presidenti Sergio Mattarella dhe kryeministri Giorgia Meloni pritet të jenë në mesin e atyre që do të marrin pjesë në shërbim. Përveç politikanëve nga Italia dhe jashtë saj, në sheshin qendror të katedrales para kishës pritet të mblidhen mijëra njerëz. Berlusconi ishte një manjat i diskutueshëm i pasurive të paluajtshme, mediave dhe futbollit, i cili dominoi jetën publike italiane, duke rishpikur veten si një politikan konservator, por i prirur ndaj gafave publike dhe përplasjeve me ligjin. Ai ishte kryeministri më jetëgjatë i Italisë, me mandate në 1994, 2001-2006 dhe 2008-2011. Ngritja e Berlusconit në pushtet ishte meteorike, duke fituar zgjedhjet e tij të para në 1994 në krye të një partie të re të quajtur sipas një slogani futbollistik ”Forza Italia”. Ai dha dorëheqjen në vitin 2011, në kulmin e një krize të borxhit kombëtar që rrezikoi të destabilizonte të gjithë eurozonën. Matteo Salvini i Legës së ekstremit të djathtë e zëvendësoi atë si lider të bllokut konservator të Italisë dhe partia e tij ”Forza Italia” u shndërrua në të parëndësishme, deri në kthimin e saj në 2022 si një parti e vogël koalicioni në qeverinë e krahut të djathtë të Melonit. Vdekja e tij e lë koalicionin qeverisës të Italisë në një pozitë të pasigurt. atsh
- Advertisment -