Meloni: Berlusconi një nga njerëzit më me ndikim në historinë italiane

Kreu i qeverisë italiane, Giorgia Meloni, përshëndeti kujtimin e aleatit të saj Silvio Berlusconi, i cili vdiq të hënën në moshën 86-vjeçare, duke parë tek ai “një nga njerëzit më me ndikim në historinë e Italisë”. “Silvio Berlusconi ishte mbi të gjitha një luftëtar. Ai ishte një njeri që nuk kishte frikë të ngrihej për bindjet e tij dhe ishte pikërisht guximi dhe vendosmëria e tij që e bënë atë një nga njerëzit më me ndikim në historinë e Italisë’’, theksoi Meloni. Ish-kryeministri Silvio Berlusconi, vdiq sot në moshën 86-vjeçare. Silvio Berlusconi vdiq në spitalin San Raffaele në Milano. Lideri i Forza Italia dhe themeluesi i Mediaset ishte 86 vjeç. Berlusconi u kthye në San Raffaele të premten e kaluar, pas një shtrimi të gjatë – 45 ditë – i cili përfundoi disa javë më parë, për shkak të pneumonisë dhe një forme leuçemie. Sot në mëngjes, vëllai i tij Paolo dhe fëmijët e tij kishin shkuar me urgjencë në spital.atsh