Shtetet e Bashkuara të Amerikës do t’i bashkohen UNESCO-s, organizatës shkencore dhe kulturore të Kombeve të Bashkuara me qendër në Paris, tha sot drejtoresha e përgjithshme e UNESCO-s, Audrey Azoulay. “Ky është një akt i fortë besimi, në UNESCO dhe në multilateralizëm. Jo vetëm në cilësinë e të qenit thelbësor në kulturë, arsim, shkencë, informacion, por edhe në mënyrën se si ky mandat po zbatohet sot”, tha Azoulay. Ajo tha se SHBA-ja e kishte informuar zyrtarisht për vendimin për t’u ribashkuar në korrik me organizatën, bazuar në një plan konkret financiar. SHBA-ja pezulloi kontributet e saj në UNESCO në 2011 dhe njoftoi organizatën për vendimin e saj për t’u tërhequr ligjërisht më 12 tetor 2017. “Kthimi i Shteteve të Bashkuara të Amerikës u bë i mundur pas marrëveshjes së arritur nga Kongresi në dhjetor 2022, që autorizon kontribute financiare në UNESCO”, tha organizata në një deklaratë. atsh
- Advertisment -