IPARD II:102 investime në qarkun e Korçës

Qarku i Korçës është një nga qarqet i cili dallohet për diversitetin e sipërmarrjeve bujqësore, të cilat nxisin zhvillimin e mëtejshëm të ekonomisë rurale. Ministrja e Bujqësisë dhe Zhvillimit Rural, Frida Krifca bën të ditur se Agjencia për Zhvillim Bujqësor dhe Rural përmes programit IPARD II ka mbështetur 102 investime në këtë qark. Ministrja vlerësoi se ky është një tregues i konsiderueshëm i investimeve IPARD në rang vendi, të cilat përfshijnë: sipërmarrjet agroturistike, pemëtoret, pikat e grumbullimit, stallat, linjat e përpunimit, serrat, si edhe investime në mekanikë bujqësore. Krifca tha se peizazhet që ofrojnë zonat rurale të Korçës kanë krijuar mundësi për investime të shumta në agroturizëm, duke ndihmuar në promovimin e destinacioneve turistike të vendit tonë dhe diversifikimin e mëtejshëm të aktiviteteve në zonat rurale. atsh