Pilotët ukrainas trajnohen për përdorimin e avionëve luftarakë F-16

Presidenti i SHBA-së, Joe Biden do të lejojë që pilotët ukrainas të trajnohen me avionë luftarakë amerikanë F-16, tha një zyrtar i lartë i qeverisë amerikane përpara samitit të G7 në Hiroshima, Japoni. “Vendimi për dorëzimin e avionëve luftarakë në Ukrainë do të pasohet në një datë të mëvonshme”, sipas zyrtarit. “Biden u tha udhëheqësve të tjerë të G7 se Shtetet e Bashkuara të Amerikës do të mbështesin trajnimin e pilotëve ukrainas në avionët luftarakë të gjeneratës së katërt, duke përfshirë F-16”, tha zyrtari. “Ndërsa trajnimi është në vazhdim, koalicioni i vendeve pjesëmarrëse në përpjekje do të vendosë se kur do të sigurohen avionët, sa do të sigurohen dhe kush do t’i sigurojë ato”, tha ai. “Trajnimi do të zhvillohet jashtë Ukrainës në Evropë dhe do të zgjasë për disa muaj. Stërvitja do të nisë në javët në vijim”, tha ai.