Franca e alarmuar nga kërcënimi terrorist islamik në Evropë

Ministri i Brendshëm francez, Gerald Darmanin, në një vizitë në SHBA, u shpreh i alarmuar për një rifillim të kërcënimit terrorist islamik në Evropë dhe kërkoi nga qeveria amerikane që të forcojë bashkëpunimin e tyre antiterrorist përpara Olimpiadës së Parisit në 2024. “Ne kemi ardhur për t’u kujtuar atyre se për evropianët dhe për Francën, rreziku kryesor është terrorizmi islamik sunit dhe se bashkëpunimi antiterrorist midis shërbimeve sekrete është absolutisht thelbësor”, tha Gerald Darmanin, në një intervistë për AFP-në. ”Dhe, në një kohë kur amerikanët ndoshta kanë një vizion më kombëtar të mosmarrëveshjeve si supremacia e bardhë, të shtëna të përsëritura apo konspiracion, ata nuk duhet të harrojnë atë që na duket në Evropë si kërcënimi kryesor, ai i terrorizmit sunit”, këmbënguli ministri francez. Gerald Darmanin përfundoi një vizitë dyditore në Uashington, Nju Jork dhe OKB, me qëllim nxitjen e bashkëpunimit policor dhe gjyqësor midis Francës dhe SHBA, të parashikuar në një marrëveshje të vitit 2016, për luftën kundër terrorizmit dhe krimit të rëndë. Në këtë kontekst, por pa evokuar kërcënime konkrete, Darmanin pohoi rritjen e rrezikut në termat e terrorizmit islamik, i cili do të synonte sërish Francën dhe fqinjët e saj evropianë. Darmanin shprehu keqardhje për largimin e amerikanëve nga Afganistani dhe atë të Francës nga zona Sahelo-Sahariane, riformimin e celulave të ISIS-it, të cilat i bëjnë këto kërcënime ekzogjene duke pasur parasysh nga ngjarjet e mëdha që do të organizojë Franca.