Moldavia shpall pavarësinë totale nga burimet energjetike ruse

Moldavia nuk do të përdorë më gaz të lëngshëm natyral apo energji elektrike nga Rusia duke njoftuar kështu fundin e varësisë energjetike nga Moska, pas pushtimit të Ukrainës, deklaroi kryeministri moldav, Dorin Recean, në një konferencë sigurie në Bukuresht. ”Nëse në fillim të luftës 100% e energjisë së konsumuar në Moldavi vinte nga Rusia, sot Moldavia mund të ekzistojë pa gazin natyror apo energjinë elektrike nga Rusia”, tha Recean. ”Moldavia nuk konsumon më gaz rus, por është integruar në rrjetin energjetik evropian si nga pikëpamja teknike ashtu edhe ajo komerciale”, shtoi ai. atsh