Rusia,Ukraina zgjasin marrëveshjen për transportin e grurit

Rusia dhe Ukraina kanë rënë dakord të zgjasin marrëveshjen për transportin e grurit ukrainas përmes Detit të Zi edhe për dy muaj të tjerë, tha sot presidenti i Turqisë, Recep Tayyip Erdoğan, në Ankara. Fillimisht, ishte e paqartë nëse Rusia do të pranonte të zgjaste marrëveshjen vendimtare, e cila lejon që eksportet e grurit të vazhdojnë përtej Detit të Zi, pavarësisht luftës së vazhdueshme në Ukrainë. Rusia beson se duhet të ketë kushte të barabarta për eksportet nga të dy vendet, ndërsa zëdhënësi i Kremlinit, Dmitry Peskov shprehu shqetësimet e tij lidhur me sanksionet perëndimore, sipas të cilit ato pengojnë marrëveshjen. Marrëveshja është e rëndësishme pasi Ukraina është një nga eksportueset kryesore në botë të grurit. Nëse marrëveshja nuk do të zgjatej, kjo do të nënkuptonte bllokimin e eksporteve të flotës ruse të Detit të Zi, gjë që do t’i jepte një goditje të rëndë ekonomisë së Ukrainës dhe zinxhirëve të furnizimit global. atsh