Mbërrijnë raketat e para amerikane “Himars”

Njëzet raketat e para amerikane “Himars” që Polonia porositi në 2019 me një kosto prej 414 milionë dollarësh kanë mbërritur sot në Poloni. Ministri i Mbrojtjes, Mariusz Blaszczak tha në Varshavë se sistemi i armëve ishte provuar në Ukrainë. “Kam pasur bisedime me prodhuesin dhe ministrin e Mbrojtjes së SHBA-së dhe jam optimist për porosinë e radhës”, tha Blaszczak. Kongresi amerikan ka miratuar dërgimin e deri në 500 raketave “Himars” në Poloni. Polonia po zgjeron aftësitë e saj mbrojtëse në përgjigje të kërcënimit të paraqitur nga Moska. Vendi është gjithashtu një qendër e rëndësishme logjistike për mbështetjen ushtarake të Ukrainës, të cilën Rusia e pushtoi në shkurt 2022. atsh