AKU: Kontrollet për sigurinë ushqimore sipas BE

Autoriteti Kombëtar i Ushqimit dhe Instituti i Sigurisë Ushqimore dhe Veterinare garantuan sot konsumatorin se ushtrojnë jo vetëm kontrolle të vazhdueshme, por edhe sipas protokolleve europiane të sigurisë ushqimore në gjithë zinxhirin nga ferma në tavolinë. Autoritetet e sigurisë ushqimore në vend po ashtu, vunë në dukje se vendi ynë aplikon plan unik të njëjtë me vendet e Bashkimit Europian, për kontrollin e mbetjeve të produkteve veterinare në kafshë të gjalla dhe produkte shtazore, duke garantuar siguri ushqimore në tregjet e vendit dhe mbrojtje të shëndetit të konsumatorit. atsh