Shtëpia e ankandeve “Sotheby’s” ka tërhequr sërish vëmendjen me një shitje prej miliona sterlinash të disa prej veprave më të rralla dhe më të vlefshme të artit islam.
Shtëpia e ankandeve me famë botërore në Londër mbajti shtije publike më 26 prill, ku u paraqitën vepra që shtriheshin nga shekujt e parë të Islamit deri në fillim të shekullit XIX.
Benedict Carter, kreu i departamentit të artit islam dhe indian në ”Sotheby’s”, tha për AA se ankandi përfshin lloje të ndryshme të kulturës materiale nga e gjithë bota islame, nga Spanja nga njëra anë, në Azinë Jugore nga ana tjetër, duke kaluar nëpër gjithë Lindjen e Mesme, Afrikën e Veriut, Lindjen e Mesme, Turqi, Iran dhe Indi.
Ai tha se në shitje kishte rreth 135 artikuj.
“Ndër më të dalluarat janë dy shpatat. Të dyja janë indiane, njëra e shekullit XVII, tjetra e shekullit XVIII”, tha ai.
“Rreshti i sipërm është në fakt një fletë e vetme e ilustruar nga ndoshta dorëshkrimet persiane të ilustruara më të mëdha të prodhuara ndonjëherë nga “Shahnameja” e Shah Tahmaspit. Kjo është me të vërtetë një nga llojet më të rralla të ilustrimeve me një fletë që do të gjenit të mbetura në treg sot”, tha Carter.
Artikulli me çmimin më të lartë të shitur ishte një folio nga Shahnameja e Shah Tahmaspit, e cila përshkruan një skenë beteje nga Lufta Iran-Turan, e cila u shit për 4,9 milionë sterlina.
Fleta në fjalë ishte dhuratë nga Shah Tahmaspi, i biri i Shah Ismailit, për Sulltan Selimin II osman në vitin 1568.
Dorëshkrimi “Shahname” i bërë për Shah Tahmaspi i Persisë (1514-76) njihet botërisht si një nga dorëshkrimet supreme të ilustruara të çdo periudhe apo kulture dhe është ndër veprat më të mëdha të artit në botë.
“Përveç kësaj, kishte materiale të rëndësishme kuranore, duke përfshirë gjethe të vetme nga periudha e hershme islame nga shekulli i tetë deri në shekullin e nëntë, si dhe Kuranet nga Turqia osmane në shekujt XVII dhe XVIII si dhe nga India dhe Irani”, tha Carter.
Një kamë e jashtëzakonshme osmane e shekullit të 17-të me një teh të lyer në ar u shit për 254 000 sterlina.
Kishte gjithashtu art dekorativ nga bota islame – kryesisht periudha osmane nga shekulli XVIII dhe XIX.
Një vazo e Iznikut, “Briri i Artë”, e viteve rreth 1530-1540, u shit për gati 100 000 sterlina.
Ankandi solli 12,5 milionë stelirna me 84 pjesë të shitura, duke përfshirë tekstile, qeramikë, punime metalike dhe piktura.
Arti islam ka një histori të gjatë dhe të pasur, që shtrihet më shumë se 1 400 vjet, nga modelet gjeometrike të arkitekturës së hershme islame deri te kaligrafia e ndërlikuar e dorëshkrimeve kuranore.
Vitet e fundit, interesi për artin islam është rritur ndjeshëm, i nxitur pjesërisht nga rritja e pasurisë dhe interesit të koleksionistëve nga Lindja e Mesme dhe Azia.
Ankandet si ai në Londër ofrojnë një mundësi për koleksionistët dhe entuziastët të vlerësojnë dhe të blejnë vepra arti unike dhe të vlefshme nga bota islame. atsh
