Zelensky fton për vizitë presidentin Xi

Presidenti ukrainas, Volodymyr Zelensky ka ftuar udhëheqësin kinez Xi Jinping në Kiev. Lajmin e bëri të ditur vetë Zelensky, në një intervistë ekskluzive me agjencinë e lajmeve AP, e publikuar në internet. “Ne jemi gati ta shohim atë këtu”, tha presidenti ukrainas në një intervistë në bordin e një treni gjatë një prej udhëtimeve të tij nëpër vendin e përfshirë nga lufta kundër Rusisë. “Unë dua të flas me të. Kam pasur kontakte me të para luftës në shkallë të gjerë. Por, gjatë gjithë këtij viti, madje më shumë se sa një vit, nuk kam pasur kontakt’’, shtoi ai. atsh