Reshje shiu dhe bore, ARRSH: Qarkullimi i mjeteve kryhet pa probleme

Reshje shiu dhe bore kanë përfshirë të gjithë vendin gjatë natës së shkuar, duke krijuar vështirësi në qarkullimin e mjeteve, kryesisht në akset Bogë-Theth dhe në Korçë-Dardhë. Autoriteti Rrugor Shqiptar (ARRSH) informoi sot se, është punuar pa ndërprerje për pastrimin e rrugës dhe me shpërndarjen e kripës. “Temperaturat kanë qenë në vlera pozitive, duke mundësuar qarkullimin e mjeteve në të gjitha akset”, bën të ditur ARRSH. Ndërkohë ARRSH apelon drejtuesit e mjeteve të tregojnë kujdes të shtuar gjatë drejtimit të mjetit, të pajisen me goma dimërore dhe zinxhirë kur udhëtojnë për në zonat malore, ulin shpejtësinë, dhe të respektojnë sinjalistikën dhe udhëzimet e Policisë Rrugore.atsh