Izraeli vlerëson ndihmën e Shqipërisë

Izraeli i konfirmoi zyrtarisht Shqipërisë njohjen për strehimin e hebrenjve. Aliza Bin Noun, drejtore politike në Ministrinë e Punëve të Jashtme të Izraelit, i dorëzoi Sokol Dedjes, Drejtor i Përgjithshëm i Ministrisë së Jashtme të Shqipërisë, pllakatin e njohjes, njofton ambasada shqiptare në Izrael. “Faleminderit Ministrisë së Punëve të Jashtme të Izraelit për pritjen e zyrtarëve të lartë në Jeruzalem. Lidhjet e forta ndërmjet Shqipërisë dhe Izraelit konfirmohen në konsultimet e Polit. Aliza Bin Noun duke i dorëzuar Sokol Dedjes njohjen për shpëtimin e hebrenjve vendas dhe strehimin për hebrenjtë nga vendet e tjera”, shkruan ambasada në një postim në Twitter. atsh