Ndryshimet klimatike mund t’i kushtojnë Gjermanisë deri në 900 miliardë euro (957 miliardë dollarë) deri në vitin 2050, sipas një studimi qeveritar.
Ministria e Mjedisit, së bashku me ministrinë e Ekonomisë dhe Mbrojtjes së Klimës, kanë publikuar një dokument që shqyrton skenarë të ndryshëm nga viti 2022 deri në vitin 2050 bazuar në nivele të ndryshme të ngrohjes globale.
Për vitin 2050, për shkak të ndryshimeve klimatike, parashikohet një ulje e prodhimit të brendshëm bruto nga 0,6 në 1,8%.
Skenarët nuk janë parashikime të sakta sepse aspekte të tilla si ulja e cilësisë së jetës janë të vështira për t’u llogaritur ekonomikisht.
“Kostot e ndryshimit të klimës mund të rezultojnë të jenë shumë më të larta se sa përcaktohen nga skenarët e modelit”, shtoi studimi.
