OBSH i kërkon SHBA opinion mbi laboratorët kinezë

Organizata Botërore e Shëndetësisë (OBSH) i ka kërkuar Uashingtonit informacionin që qëndron pas vlerësimit të disa agjencive të inteligjencës amerikane se pandemia e koronavirusit ka shumë të ngjarë të jetë nisur nga një rrjedhje aksidentale laboratorike në Kinë. Kërkesa i janë bërë misionit diplomatik të SHBA-së në Gjenevë, por asnjë raport nuk është marrë deri më tani, deklaroi ekspertja e OBSH-së Maria Van Kerkhove. Christopher Wray, kreu i Byrosë Federale të Hetimit (FBI), i tha kanalit Fox News se agjencia beson se “origjina e pandemisë ka shumë të ngjarë të jetë një aksident i mundshëm laboratorik në Wuhan”. FBI shtoi se ishte “një rrjedhje e mundshme nga një laborator i kontrolluar nga qeveria kineze që shkaktoi pandeminë”. atsh