Më shumë zjarre në pyje, prej ndryshimit të klimës

Tjetërsimi i sipërfaqes tokësore dhe ndryshimet e klimës globale do të prodhojnë 50% më shumë zjarre në pyje, deri në fund të këtij shekulli. Shpeshtimi i zjarreve do të vërehet në 8 vitet e ardhshme, pritet që numri i vatrave të mëdha të zjarrit të rritet me 14%. Këto janë informacionet më të fundit nga Programi Mjedisor pranë Organizatës së Kombeve të Bashkuara. Në dy dekadat e fundit, zjarret janë shtuar nga Australia në Brazil e Siberi por më e keqja pritet të vijë rreth viteve 2040 – 2050. Ndryshimet klimatike do të prodhojnë thatësira më të gjata dhe më ekstreme, stuhi ere më të forta dhe shkarkesa elektrike gjatë muajve të nxehtë të vitit duke rritur riskun e zjarreve jo vetëm në zonat problematike por parashikohet që zjarret të vrojtohen edhe në pyje ku zjarret janë ende një fenomen i rrallë.