Habeck:Nevojë për tregje të gjelbra udhëheqëse

Ministri gjerman i Ekonomisë, Robert Habeck tha se dëshiron të forcojë BE-në, si një vend konkurrues për investime dhe inovacion, përpara udhëtimit të tij sot, në Stokholm. “Gjëja e rëndësishme është zhvillimi i tregjeve të gjelbra udhëheqëse”, tha Habeck duke folur për një “urë të gjelbër përtej Atlantikut”, në tranzicionin drejt një ekonomie miqësore ndaj klimës së bashku me Shtetet e Bashkuara të Amerikës. BE-ja është përpjekur t’i përgjigjet aktit të reduktimit të inflacionit të SHBA-së (IRA), një paketë prej 346 miliardë eurosh (367 miliardë dollarë) e miratuar nga SHBA-ja, pjesë e së cilës nxit prodhimin e brendshëm të energjisë së pastër. Blloku është i shqetësuar se legjislacioni mund të bëjë që kompanitë me bazë në BE të lëvizin jashtë shtetit. IRA siguron kreditim tatimor për konsumatorët amerikanë që blejnë automjete elektrike me bateri të prodhuara në vend, dhe në disa vende me marrëveshje të tregtisë së lirë me SHBA-në. BE-ja dhe SHBA-ja janë partnerë kryesorë tregtarë, por nuk kanë një marrëveshje të tillë. Politika klimatike dhe industriale pritet të jetë fokusi i vizitës së tij dyditore në Suedi. ATSH