Situata e përmbytjeve në Shkodër vijon të jetë kritike, ku 100 hektarë tokë më shumë se një ditë më parë është përmbytur si pasojë e reshjeve. Gjithashtu niveli i lumit Drin dhe i liqenit të Shkodrës shënon kuata kritike shumë pranë maksimales duke u rritur nga një ditë më parë. 1220 hektarë tokë është e përmbytur në Shkodër, ku më problematike është zona e Obotit, ku uji arrin në 65 centimetër. Në Obot kalohet vetëm me mjete të ushtrisë, ndërsa në vendin e quajtur Urrelat e Shirqit uji në rrugë arrin në 30 cm ku rruga është e pakalueshme nga mjetet e vogla. Nga ana tjetër në qarkun e Lezhës situata është përmirësuar ku nën ujë janë 530 hektarë tokë ose 160 hektarë më pak krahasuar me një ditë më parë. Hidrovoret po punojnë me kapacitet të plotë dhe nuk kanë paraqitur problematika. RTSH
- Advertisment -