Rihapet qarkullimi për automjetet në rrugën e Arbrit

Rruga e Arbrit është hapur pas bllokimit të saj nga reshjet e dëborës të ditës së sotme. Pas disa orësh pritje automjetet kanë filluar të qarkullojnë, konkretisht në aksin Qafë Murriz-Klos, e cila u bllokua për shkak të reshjeve të dëborës. Ndërkaq, Policia njofton se qarkullimi i mjeteve ka vijuar normalisht teksa nuk ka më bllokime. Njoftimi i policisë: Rihapet për qarkullimin e automjeteve aksi rrugor bypass-Qafë Murrizë-Klos, e cila u bllokua për shkak të reshjeve të dëborës. Qarkullimi i mjeteve ka vijuar normalisht dhe nuk ka mjete të bllokuara. Shërbimet e Policisë Rrugore janë në gadishmëri të plotë për menaxhimin e trafikut dhe apelojnë për drejtuesit e mjeteve të tregojnë kujdes të shtuar gjatë drejtimit të mjetit dhe mos të kryejnë manovra të rrezikshme në rrugë. ATSH