Ministri i Mbrojtjes, Niko Peleshi në një deklaratë për mediet tha se, “përkeqësimi i fortë i motit, me reshje shiu ka paraqitur disa problematike, ndërkohë që situata është në monitorim non-stop dhe larg niveleve shqetësuese”. Peleshi tha se, “në qarkun Shkodër, janë paraqitur disa problematika në infrastrukturën rrugore, ku ka pasur rrëshqitje dherash dhe inertesh. Gjithashtu ka pasur ndërprerje të furnizimit me energji elektrike në disa zona, ndërsa janë në terren të gjithë grupet e OSHEE-s për të riparuar defektet në rrjetin energjetik”. Ministri informoi se, “niveli i ujit në lumin Osum nuk paraqet probleme po ka një rritje të niveli në Çorovodë dhe Berat, lumi Devoll nuk paraqet rrezik për përmbytje, niveli i lumit Drin në Shkodër ka një rritje të nivelit të ujit prej 25 cm, por jemi larg pikës kritike. Niveli i liqenit në Shkodër shënon 7.55 metra ndaj 8.7 metra që është kuota maksimale në këtë liqen”. Peleshi vuri në dukje se pikun më të lartë të reshjeve e presim rreth datës 21 janar, ndaj i bëri apel bashkive të forcojnë masat për çdo rast problematik. “Bashkitë duhet të paralajmërojnë në kohë popullatën për çdo rast evakuimi, të monitorojnë argjinaturat, hidorovorët dhe 600 ujëmbledhësit”, apeloi Peleshi. Ai gjithashtu theksoi që të mbahen nën kontroll dhe të hapura rrjetet rrugor. ATSH
- Advertisment -