Moti i keq ka përfshirë vendin prej dy ditësh duke sjellë edhe ulje të temperaturave. Kjo ka bërë që pas ditëve të ngrohta që u karakterizua muaji dhjetor, në ditët e para të janarit të nisin reshjet e borës në zonat malore. Gjatë natës dhe në orët e para të mëngjesit në zonat malore kanë filluar reshjet e dëborës në Dardhë, Lezhë-Vaudejes, Bogë-Theth, Hani i Hotit-Vermosh, pa sjellë probleme për qarkullimin. Edhe në Dibër e Bulqizë kanë nisur reshjet e dëborës. Kontraktorët po punojnë për pastrimin e akseve dhe kriposjen për të mbajtur qarkullimin në normalitet. Moti i keq ka përfshirë edhe Shkodrën ku ka pasur rrëshqitje dherash në Postribë dhe për pasojë është bllokuar aksi Mes-Ura e Shtrenjtë. Firma kontraktore ka nisur punën për pastrimin e rrugës që të hapet sa më shpejtë për qarkullimin e mjeteve. RTSH
- Advertisment -