KFOR: Heqja e barrikadave duhet të bëhet shpejt

KFOR-i mirëpret vendimin e mbrëmshëm për heqjen e barrikadave në veri të Kosovës. Në një komunikatë për media thuhet se heqja e barrikadave duhet të bëhet shpejt, në mënyrë të sigurtë, duke shmangur çdo lloj incidenti apo rreziku. “Të gjitha palët duhet të shmangin çdo retorikë apo veprim që mund të shkaktojë përshkallëzim të mëtejshëm. KFOR-i po monitoron nga afër zhvillimet. Ne mbetemi jashtëzakonisht vigjilentë dhe të gatshëm për të ndërhyrë, nëse është e nevojshme, në përputhje me mandatin tonë të bazuar në Rezolutën 1244 të 1999”, thuhet në komunikatë. Ndryshe, sot në veri ka nisur heqja e barrikadave të vendosura nga serbët lokalë. ATA