Blerjet e valutës për 2022 me 15.4 milionë euro

Banka e Shqipërisë organizoi ankandin e fundit për këtë vit të blerjes së valutës. Në raundin e parë të ankandit Banka Qendrore bleu 8 milionë euro dhe në raundin e dytë, bleu një shumë shtesë prej 7.4 milionë eurosh, me kursin mesatar prej 114.57 lekësh, duke e çuar shumën në totalin prej 15.4 milionë euro. Gjatë vitit të ardhshëm, pritet që Banka e Shqipërisë të rrisë blerjet në tregun e brendshëm valutor. Sipas kalendarit të ankandeve, vlera e parashikuar e blerjeve të euros parashikohet në intervalin midis 160 dhe 220 milionë eurove. Në fund të muajit tetor, rezerva valutore e Bankës së Shqipërisë kishte vlerën e 4.96 miliardë eurove, në rritje me 17.7% krahasuar me të njëjtën periudhë të një viti më parë. Madhësia e rezervës valutore të Shqipërisë përgjithësisht vlerësohet nga institucionet e specializuara si mjaft e kënaqshme për mbulimin e nevojave të ekonomisë për valutë.https://ata.gov.al/2022/12/19/bsh-mbyll-blerjet-e-valutes-per-2022-me-15-4-milione-euro/